平昌 Premium (Closed)

真係好耐冇食韓燒了，今次嚟到佐敦既平昌premium，佢係一間任食既韓燒而任食都分咗三個唔同既級數，我地今次就平平地揀咗最基本既大君御膳雖然係平，但食物種類都有好多可以揀首先一坐低店員就會幫我地倒蛋醬喺爐邊，等佢熟咗就可以食到滑嫩既蛋。另外前菜有泡菜同韓國壽司，個壽司包住既材料夠曬正宗！我地點咗好多肉，有烤牛肋骨、牛排骨、五花腩、烤豬肉等等非常推介五花腩！烤完之後一入口係滿滿既肉香，又唔un，我地之後都翻點咗幾次另外海鮮方便都好多野揀，我地點咗生蠔同蝦，蝦又大隻又爽口彈牙，正！總括嚟講依度既食物質素都幾高，而且又可以任食，覺得仲正過出面好多要散嗌既韓燒，一定會再返嚟食