野川拉麵の鮮鍋道場 (Closed)

早都知道元朗多美食，今日落左元朗就順便食埋晚餐。左揀右揀，決定做個大胃王，來個日式放題！呢間餐廳名都幾特別，叫野川拉麵之鮮鍋道場，令人一望就記得。地點近元朗泳池果邊，都吾算難搵。見面門口有好大既餐牌同食物類別，有分兩種放題:1. 火鍋2小時放題2. 鮮鍋道場2小時放題兩者分別就係火鍋放題只係限於火鍋任食。鮮鍋道場就吾只火鍋，仲包埋壽司，刺身，揚物，串燒，天婦羅等等，非常吸引。價錢都不是太貴，有分成人同兒童，吾同時段吾同價錢，但無論平日和假日，都低於200元。如果生日，還可以享有88折優惠，十分抵食！類別十分豐富，有分左吾同餐紙order。我地緊係每樣都叫小小這試下。我地先食其他，諗住夜小小先order打邊爐。落左單冇耐，已經好快甘上菜。因為就住二人份量，上來每碟既size剛好，雖然望落刺身有啲迷你，但其實甘先好，食完再叫，以免浪費。之後我地都試左個打邊爐，叫左昆布清湯。都order左海蝦同海蜆，竟然十分新鮮，有驚喜！出面有自助Bar, 包括有打邊爐爐配料，沙律前菜，飲品，甜品等。另外都有咖啡機同熱水，十分體貼。環境不錯，座位都寬闊，不同的食物種類，加上價錢吸引，適合全家大小。