鳴虎 (新城市廣場三期) (Under Renovation)

今日去左試沙田一田百貨入面既鳴虎，Order左一碗綠虎(四國香蔥油拉麵)同一碗嗚虎(日本魚乾豬骨湯拉麵)，兩款拉麵都有佢特色，好令人驚喜！“綠虎” 好清新，湯底唔會太油膩，好香好滑，麵條口感好，彈牙有嚼勁，同湯底嘅搭配啱啱好，加埋半熟嘅溏心蛋、叉燒、海苔等等，真係好滿足。整碗拉麵嘅味道非常平衡，唔會太過濃郁!嗚虎就有啲唔同，湯底非常濃郁，豬骨同魚乾嘅味道融合得非常好味道好豐富。叉燒非常嫩滑，非常入味，整個湯底都有一種深厚既口感，非常適合喜歡濃郁口味既人。同樣，麵條口感好好，令人回味無窮。 總括而言，鳴虎嘅拉麵幾出色，兩款拉麵都有佢自己獨特既風味，湯底豐富而不過分油膩，麵條口感好，配搭得非常恰到好處。如果你喜歡清新口味，綠虎係一個好選擇；如果你喜歡濃郁口味，嗚虎呢碗就真係好正！另外Order 開拉麵可以+$15 配沙律及汽水! 值得一試！