牛極 (雅怡居)

Open Now

Now Closed

嚟到深水埗一帶見到有間有牛扒食，入面又唔係好多人，我哋就入咗去試下。個感覺好日式，用日式售賣機去買飛，然後入到去服務員嘅態度都好友善。我哋揀咗一個牛肩同埋牛柳嘅餐。可以配飲麵豉湯，飯同埋沙律。 麵豉湯味道濃郁， 而沙律就以椰菜絲為主。可以自由配搭醬汁，有辣啲嘅燒汁啦同埋普通嘅燒汁。牛肉上菜嘅時候用燒熱咗嘅石板載住， 咋咋聲，非常之夠熱！可以自行調教個生熟程度，一路切入面嘅汁流曬出嚟，內裏嫩滑呈粉色色，非常juicy！ 牛肩就比較瘦，適合唔想食咁多肥肉嘅人，而牛柳就肥瘦適中，食落好林！