明洞Express (Closed)

近年韓風來侵，韓國次文化透過唔同渠道傳到黎香港！（就好似係runningman見到炸醬面，來自星星的炸雞啤酒文化，甚至呀dee屋企都用緊三叔韓劇專用指紋鎖）金巴利街就係香港既韓國街，好多韓國小店林立，大部分都係韓國人親自主理，今日就去左呢明洞express 係門口睇到menu個價好似都幾合理！入到去原來係自助形式，自己搵位，menu就擺係枱，睇岩就自己去點，跟住佢送過黎叫左個芝士泡菜炒飯同埋泡菜湯面個飯真係好大碗！好抵食！仲要勁多芝士！絕對岩晒我呢種中意食芝士既人！佢唔係坊間個種到時先淋落黎，係一早融晒倒落去，里面都好足料好多泡菜，但係食完好滯。呢個係每個主食都會跟兩款泡菜，一個就係平時常見白菜，另一個就係薯仔白菜個個泡菜好好味！！好入味，又唔算好辣。但係薯仔就比較普通。個湯面都好大碗，好多蔥同紅羅白絲。但係以為湯面係公仔面　點知係白色類似米線既面，但係有Ｄ辣..總括黎講，呢個免加一價錢，真係抵食！野又夠飽，性價比非常好。外面既韓國快餐可能平Ｄ，但係冇咁多option同咁夠飽