Video
Read full review
2022-11-15
153 views
今晚同家人第一次黎呢間餐廳食用餐人數：2人☎️💬預約7:30pm食飯要直接打電話黎book, 平時都諗打電話黎book d員工都好急趕語氣都有小小唔耐煩咁，但係呢間第一印象就比我係幾唔錯唔好rush。早左黎到又有位就入左去坐。見到menu 既相同實物都100%相同既冇走樣（賣相同份量）。因為見到份量都好似好迷你咁所以就係咁叫。1.🍣叫左份三文魚刺身，厚切♥️，食落都ok正常發揮。2.一份燒白鱔，估唔到肉質係幾彈牙，燒到個皮都脆好香，同埋本身鱔醃左夠味，食慣淡口味既我已經好夠味，都有小小細魚骨，食個時都要小心3.三色迷你丼：細細杯，最底係d飯，所以都飽肚，蟹肉個份就肉質有啲嚡，其他個兩個海膽、魚籽都ok，賣相都唔錯魚籽但就冇相片ok到滿一滿，但都已經（個量）好收貨。4. 鹽燒牛舌心：非常彈牙，有嚼口，唔會係un/嚡/乾，仲有小小蔥花、醬蓉（形容唔出係咩但幾好味）同鹽沾黎食，但本身牛舌已經好夠味唔洗點鹽。份牛舌心上到黎既時間好夠熱，趁熱食真係好正，超推介。5.左口魚裙邊：份量係細既，不過整得好鬼靚，個魚好夠滑，個口大d都可以一啖食晒。正！6. 海膽炒飯： 呢個一係必食，之前order既都係細細
用餐人數：2人
☎️💬預約7:30pm食飯要直接打電話黎book, 平時都諗打電話黎book d員工都好急趕語氣都有小小唔耐煩咁，但係呢間第一印象就比我係幾唔錯唔好rush。
早左黎到又有位就入左去坐。見到menu 既相同實物都100%相同既冇走樣（賣相同份量）。
因為見到份量都好似好迷你咁所以就係咁叫。
1.🍣叫左份三文魚刺身，厚切♥️，食落都ok正常發揮。
2.一份燒白鱔，估唔到肉質係幾彈牙，燒到個皮都脆好香，同埋本身鱔醃左夠味，食慣淡口味既我已經好夠味，都有小小細魚骨，食個時都要小心
3.三色迷你丼：細細杯，最底係d飯，所以都飽肚，蟹肉個份就肉質有啲嚡，其他個兩個海膽、魚籽都ok，賣相都唔錯魚籽但就冇相片ok到滿一滿，但都已經（個量）好收貨。
4. 鹽燒牛舌心：非常彈牙，有嚼口，唔會係un/嚡/乾，仲有小小蔥花、醬蓉（形容唔出係咩但幾好味）同鹽沾黎食，但本身牛舌已經好夠味唔洗點鹽。份牛舌心上到黎既時間好夠熱，趁熱食真係好正，超推介。
5.左口魚裙邊：份量係細既，不過整得好鬼靚，個魚好夠滑，個口大d都可以一啖食晒。正！
6. 海膽炒飯： 呢個一係必食，之前order既都係細細份，小食多滋味可以試多幾款，但都要食d飽肚野，呢個海膽炒飯好有驚喜，個賣相已經好吸引，撈埋一齊食啖啖都有料，兩個人食完都飽左6、7成。
7.鰻魚天婦羅：呢個原本order既時候仲以為係細細舊細細份咁樣，點知黎到有成5大舊咁多，兩大三中size，個炸粉唔會太厚適中，估佢唔到鰻魚肉係好滑身，入面個肉仲係好熱，慢慢食到最後一嚿都仲係暖既，份量同口感都非常好。呢碟係尾二上枱，差啲食唔晒。
8.蟹肉茶碗蒸：因為我好中意食茶碗蒸，就叫左呢個，但個蛋就唔係嫩滑個隻，有少少實既感覺，小小overcook,個蟹肉同迷你三色丼既蟹肉係一樣，都係嚡，唔知係咪用左面包蟹（因係個肉質都係嚡）所以有d失望。
9. 西尾抹茶凍鮮奶：個奶味唔算出，抹茶味唔濃，唔推介。
服務：⭐️⭐️⭐️⭐️因為坐上面一層，附近都有待應睇實，服務都唔錯，而且回應性高，整體感覺唔錯，態度都唔錯。
環境：⭐️⭐️⭐️燈光偏暗黑，但由於桌面冇放燈會覺得太過黑，如果放埋細細既燈會更好。做唔到話有情調既感覺。由卡居酒屋既關係周圍既氣氛討論熱烈，可以暢所欲言都唔驚影響到人。如果中意偏靜既就要諗諗，但3-4人或以上黎呢到應該可以傾得好開心
食物質素：⭐️⭐️⭐️⭐️⭐️
用餐時間：冇特別註明，今餐食左1.5小時
三文魚刺身
5 views
0 likes
0 comments
燒白鱔
13 views
0 likes
0 comments
三色迷你丼
13 views
0 likes
0 comments
鹽燒牛舌心
8 views
0 likes
0 comments
左口魚裙邊
15 views
0 likes
0 comments
海膽炒飯
21 views
0 likes
0 comments
鰻魚天婦羅
7 views
0 likes
0 comments
蟹肉茶碗蒸
13 views
0 likes
0 comments
西尾抹茶凍鮮奶
4 views
0 likes
0 comments
Post
