爆丼丼 (Closed)

之前食過旺角相當似既丼飯餐廳，聽朋友介紹爆丼丼性價比更高，於是前來一試。位置都少少稍遠，地鐵站行都要十分鐘路程。是日到達大約6:45左右，場內得數枱客人，同之前朋友所講要排好耐有好大對比。食黎食之前都有做下資料搜集，短短數個月，由$188加到$208。不過咁多海膽，價錢上黎講都唔算十分貴，同埋睇圖份量好似都好多，所以都叫左個黎試。另外睇其他食家介紹，我地都叫左個粒粒魚生丼。價錢唔貴，只係$8X上到枱，心諗，咁細既。圖片果然只供參考。不過野食始終味道最緊要。海膽一般，應該係用左幾隻唔同既海膽。有幾條特別鮮甜，有幾條就中晒伏咁好重腥味。吞拿魚蓉不過不失，帶子應該一開二，所以比較薄，食落無咩口感。反而三文魚籽好有驚喜，好有鮮味，不停咁想再食，用黎撈醋飯非常夾。魚生丼$88個人認為十分抵食，份量好多，呢個就真係有爆丼既感覺啦。魚生都食得出新鮮，希靈魚好好食，性價比十份高。個人認為粒粒魚生丼更值得一試。至於$208既四重爆丼，我相信市面會有其他更好的選擇。