Video
Read full review
2017-05-04
166 views
本身我都喜愛食廚師發辦既日本菜，因為食材相對新鮮，質素亦相對比一般既日本餐廳高，連續放左幾日假，最後一天假期要對自己好一點，特意同好友相約食晚飯，去左依間omakase既日本料理餐廳享受一下餐廳以簡單吧枱座位設計，雖然店鋪唔大，但感覺寧靜，食得輕鬆自在，座位前方放左我地既英文名摺紙同魷魚摺紙，相當有心思，而且廚師亦都係日本人主理，感覺更地道我地點左<<潮-USHIO>> 總共有七款餸菜，首先上季節前菜盛合，賣相非常精緻，由左至右食起螢光魷魚: 醃製後非常濃郁入味，伴酒食一流芝士蘿蔔: 第一次食芝士拌日本蘿蔔，蘿蔔酸味中和芝士既滯膩感，味道出奇地夾，幾可口三文魚明太子碎旁放左數片可食用既菊花瓣同牛蒡而壽字盅內係黑松露魚塊，食落有微微既黑松露香，味道剛剛好且唔會過份濃烈雞腎: 第一次食生既雞腎，賣相確實令人有點恐懼，但估唔到入口比想像中好味，完全無血腥味，醃製後味道香濃，帶少許爽脆口感，幾有驚喜希靈魚籽拌海帶: 食落濃郁帶咸，爽脆口感，咸道係容易接受的，拌酒的確不錯半熟流心蛋: 上面放左明太子，入口滑溜食落有陣陣明太子既味道，爽滑口感兩兼備<<
享受一下
餐廳以簡單吧枱座位設計，雖然店鋪唔大，但感覺寧靜，食得輕鬆自在，座位前方放左我地既英文名摺紙同魷魚摺紙，相當有心思，而且廚師亦都係日本人主理，感覺更地道
我地點左<<潮-USHIO>> 總共有七款餸菜，首先上季節前菜盛合，賣相非常精緻，由左至右食起螢光魷魚: 醃製後非常濃郁入味，伴酒食一流芝士蘿蔔: 第一次食芝士拌日本蘿蔔，蘿蔔酸味中和芝士既滯膩感，味道出奇地夾，幾可口三文魚明太子碎旁放左數片可食用既菊花瓣同牛蒡
而壽字盅內係黑松露魚塊，食落有微微既黑松露香，味道剛剛好且唔會過份濃烈
雞腎: 第一次食生既雞腎，賣相確實令人有點恐懼，但估唔到入口比想像中好味，完全無血腥味，醃製後味道香濃，帶少許爽脆口感，幾有驚喜
希靈魚籽拌海帶: 食落濃郁帶咸，爽脆口感，咸道係容易接受的，拌酒的確不錯半熟流心蛋: 上面放左明太子，入口滑溜食落有陣陣明太子既味道，爽滑口感兩兼備
<<刺身三種盛>>分別係油甘魚、深海池魚同生蠔，油甘魚同深海池魚都係厚切，食落肥美甘香，入口非常鮮甜無雪味，生蠔上放左三文魚籽，口感爽嫩鮮甜，落少少酸汁一齊食可解滯膩感，依度既刺身質素確實一級讚
<<燒物-煎山女魚>>第一次食依種魚，煎得好香口，雖然比較多骨，但魚味濃，加少許檸檬汁再配蘿蔔蓉一齊食幾開胃，另搭配紅蘿蔔餡玉子，軟綿綿得黎入口甜甜的
<<蒸物-櫻花葉道明子>>用左個日本風既碗裝住，櫻花葉包住左粉紅色既糯米，口感似食緊粽，但夾既時候再鬆散少少，釀左蝦仁同帶子粒，味道適中帶鮮味
<<壽司八貫>>終於到最熱切期待既壽司，師傅每搓完一件再上一件，順次序咁慢慢品嚐每件既味道，當中有拖羅、深海池魚、鯛魚、金目鯛、鯖魚、甜蝦、三文魚籽、帆立貝，每件都非常美味，鮮甜至極，而當中有幾款我幾欣賞，拖羅入口即溶，食落好肥美且慢慢滲出油香
金目鯛外皮先用火槍燒一燒，再切薄片搓成壽司，食落比其他魚類鮮甜度高，魚味更強，讚！
鯖魚平時食煎熟既多，刺身鯖魚腥味一般魚類強，中間夾住薄荷葉一齊食，入口重薄荷味令腥味降低之餘，鮮味更出，而且配搭得好好
帆立貝食落肥美鮮甜，爽嫩口感，食完再飲杯Takela，令舌中既味道推至頂點，簡直完美無瑕
<<味噌汁>>味道非常濃郁，海帶同豆腐料份量多，飲得出係落足料煮，唔係用水溝稀煮成
<<刺身丼>>差不多尾聲，我地已食到八成飽，仲有最後既刺身丼，入面有海膽、蟹肉、三文魚籽，飯底係鰻魚汁飯，食落甜甜地，三種食材配搭得好好，鮮甜十足，好滿足
<<甜品>>最後既甜品係柚子雪芭配血橙、抹茶mochi同蜂蜜蛋糕，雪芭酸酸甜甜解飽肚感，幾開胃。平時食橙就多，血橙真係第一次聽同食，味道酸味高少少，而且容易入口。抹茶mochi軟熟煙韌，心型蛋糕好別緻，食落好香蜂蜜同蛋味，簡直係甜品控既心頭好
整體而言，係性價比高既omakase，而且食材用料新鮮，味道有水準，日本人主理，服務態度好好，以依個價錢食到如此高質日本料理，份量亦比一般外面食既omakase多，的確物超所值，值得再encore!
Post
