Video
Read full review
2022-02-06
2000 views
今日同朋友黎到位於深水埗既哩間日式主題餐廳。餐廳裝修以木系為主，環境模仿日本火車車廂，牆身係貼上宮崎駿電影海報同放有小擺設既火車窗口設計。另外，因為我地拎住好多嘢，店員見到會主動俾個籃🧺我地放袋，真係幾好。餐廳食物選擇都唔少，而且食物價錢實惠。🔸蒲燒鰻魚丼 $98鰻魚大塊厚肉，上面灑上芝麻同紫菜絲，醬汁足夠，撈埋飯一齊食真係唔錯，如果白飯改為炒飯底會更好。🔸明太子雞翼 $28雞翼外皮香脆，咬開入面係滿滿既明太子，咸香好食。🔸小食拼盤（炸海老，炸雞，墨魚香腸，紫薯餅，炸蟹肉忌廉薯餅）$78幾樣裡面紫薯餅最好食！外皮炸得酥脆，內裏係香甜既紫薯蓉；而炸海老炸皮唔會厚；炸蟹肉忌廉薯餅亦酥脆可口；炸雞略乾，配有沙律醬；墨魚香腸夠咸香，整體性價比都幾高。🔸抹茶千層蛋糕 $26 哩到既甜品價錢都幾抵食，抹茶千層蛋糕入面係抹茶奶油同紅豆蓉，抹茶味頗濃，而且甜度適中，旁邊仲有舊蜜桔解膩。整體黎講，餐廳環境有特色，而且食物價錢實惠，性價比高，黎開深水埗都可以一試。
餐廳食物選擇都唔少，而且食物價錢實惠。
🔸蒲燒鰻魚丼 $98
鰻魚大塊厚肉，上面灑上芝麻同紫菜絲，醬汁足夠，撈埋飯一齊食真係唔錯，如果白飯改為炒飯底會更好。
🔸明太子雞翼 $28
雞翼外皮香脆，咬開入面係滿滿既明太子，咸香好食。
🔸小食拼盤（炸海老，炸雞，墨魚香腸，紫薯餅，炸蟹肉忌廉薯餅）$78
幾樣裡面紫薯餅最好食！外皮炸得酥脆，內裏係香甜既紫薯蓉；而炸海老炸皮唔會厚；炸蟹肉忌廉薯餅亦酥脆可口；炸雞略乾，配有沙律醬；墨魚香腸夠咸香，整體性價比都幾高。
🔸抹茶千層蛋糕 $26
哩到既甜品價錢都幾抵食，抹茶千層蛋糕入面係抹茶奶油同紅豆蓉，抹茶味頗濃，而且甜度適中，旁邊仲有舊蜜桔解膩。
整體黎講，餐廳環境有特色，而且食物價錢實惠，性價比高，黎開深水埗都可以一試。
Post
