初見

Open Now

Now Closed

餐廳裝修日式裝潢，又有好多花草裝飾，帶有復古氣息得來又融入現代化。QR code落單，方便快捷。餐牌有火鍋、石燒、丼飯，可以每人叫一個share添。涼涼地既天氣最啱就係火鍋+燒肉，一次過滿足你兩個願望！安格斯牛肉鍋（味噌湯配白飯）$96為左可以享受幾樣野我加左$8轉湯烏冬。碟安格斯牛好大份！連雜菜都唔少，而且煮得好入味！仲有鳴門卷🍥、冬菇、豆腐、蒟蒻。湯底有濃烈既味噌味，如果覺得唔夠仲可以點豉油。初見香草吉列牛（配白飯）$148招牌套餐，有溏心蛋、香草吉列牛、白飯、醬汁。採用日本珍珠米，我地加左日式味素落d飯度，令到層次口感更加提升。吉列牛既份量都幾多，大細同厚度都啱啱好。厚度可以容易控制火候，而大細就好似一口牛咁可以一啖食好滿足。牛肉味濃，加上有層香草味，唔洗點醬汁都夠曬味好好食！總括而言，價錢相宜，味道不錯。服務員會主動幫你換火。而且檯凳都闊落，坐得舒服。