鮪世市場 (鴻威大廈) (Closed)

我真係好鐘意去旺角，差唔多每星期都定會來行下，真係唔行唔安樂，而我又真係好鐘意食日本野日式壽司等，壽司都係每星期必定會食的，但多數來旺角都係去大集團的壽司店，食得多都會厭啦，咁啱見到有間叫「鮪世市場」的壽司店，我同朋友安排坐係壽司Bar枱，坐呢個位都幾好可以睇左廚師整壽司。我都叫左好多款壽司，有三文魚壽司、帶子壽司、芝士飛魚子壽司、火灸鰻魚壽司、鵝肝壽司、等，好多款壽司都係$9起超抵食，但新鮮同好味道一定高過大集團的壽司店，同埋啲三文魚都幾厚，真係性價比高。香蔥本鮪魚蓉卷吞拿魚蓉夠新鮮、食落口除左好鮮味外重有魚的甜味，同埋我要讚下呢到啲豉油真係令到啲魚生更加提鮮。鮪世刺身盛呢個刺身套餐真係好扺食，刺身有三文魚、油甘魚、特大赤海蝦、日本帆立貝、池魚、鮪魚腩，重要附餐送茶碗蒸、沙律、麵豉湯，最緊要啲刺身好新鮮。