漁舍酸菜魚 (Closed)

平時食得多西餐同日本菜，有時都會想食下中菜，今次就黎到北角哩間中菜餐廳試下。餐廳環境闊落，仲有大卡位，坐得都好舒服。餐牌上面選擇好多，因為非常肚餓既關係，所以我地最後揀左有五道菜，價錢相對實惠既二人餐。✨晚市2-3人套餐（5道菜） $428湯底可以揀酸菜湯、水煮湯或者蕃茄湯，仲可以自己選擇辣度。我地揀左石斑魚，一上檯已經發現勁大兜，下面仲有火助熱🔥而石斑魚鮮嫩厚肉，食落完全無骨，裏面仲有蓮藕片、萵筍、芽菜、寬粉同咸酸菜，配料非常豐富。🌶️涼菜：泡椒兩食兩食分別係鴨舌同鳳爪，兩樣都入味易咬，酸辣過癮，非常好食👍🏻🌊小菜：蒜蓉烤鮮鮑仔 估唔到二人餐裏面可以揀鮑魚，仲要有八隻，食落質感爽彈，非常新鮮，上面仲要有香濃既蒜蓉醬。🐦椰香BB鴿椰香味既乳鴿真係第一次食，同平時食開既味道有啲唔同，椰香味非常重，食落去皮脆肉嫩，相當唔錯。🥬白灼時蔬時蔬係油麥菜，新鮮爽脆，份量好多。整體黎講，哩個二人餐真係相當豐富，每樣食物都好食，兩個女仔去食真係食到勁飽😂鍾意食中菜嘅人絕對可以黎試下。🌟而家Follow餐廳ig同申請會員會送優惠卷，可以即時用！