Fusion%泰式私房菜

Open Now

Now Closed

喺公司附近發現咗新餐廳，喺環球大廈入邊不嬲都多嘢食㗎啦，今次一樓呢間泰國菜啲午餐價錢都好親民，$50-$70到。餐廳都算裝修得幾靚好有泰式風情佢個窗係對住個花園，坐窗邊高枱都唔錯。佢哋有雞飯，有泰式肉碎飯，又有咖喱，我就試咗佢嘅扎肉雞絲冬陰功湯粉，佢哋話係熱門推介。佢唔係正宗嘅冬陰功湯味，我估係雞湯底，但係自己再加入香茅南薑等香料煮嘅湯味道偏甜都幾好飲，扎肉夠濃味，雞絲都唔會好乾柴。飲品有免費熱飲之外，可以加錢轉特飲。我呢款檸檬柚子蜜梳打都係加$8，酸酸甜甜又有氣，夏天飲就最啱啦。