Video
Read full review
2024-06-15
890 views
朋友喺附近返工，佢話呢間泰國菜之前有同同事一齊食過午飯，覺得好抵食，所以呢一日就約埋我一齊黎試一試晚飯。 睇落個餐牌都幾抵食，2至3人餐都只係需要200幾蚊。於是我地就費事諗，所以就直接點呢個套餐。 炒雜菜好豐富，有粟米仔，椰菜花，芥蘭，蘿蔔，木耳等等。炒得好香口，而且蔬菜亦都新鮮。 椰奶雞湯呢個湯會用火熱住，保持溫度，湯要熱飲先至會更加好飲，呢個椰奶雞湯椰奶味濃郁，而且裡面材料亦都好豐富，有大量雞肉同菇。 泰式海南雞海南雞口感嫩滑，皮嘅油脂非常香，皮下脂肪亦都較少，很好吃，用來送飯一流。 蟹肉炒飯因為覺得食白飯比較普通，所以就加左錢轉左做蟹肉炒飯，估唔到蟹肉炒飯會有埋蟹籽同埋芒果，非常驚喜，芒果唔會酸，好新鮮，蟹肉亦都有鮮甜味，份量亦很多。 呢嗰二至三人餐份量非常豐富，所以都食到好飽。另外套餐亦都會包埋飲品，我地分別叫左凍檸茶同埋熱零水，呢度比較特別就係糖漿放喺枱面度可以自行調教。 呢度職員非常有笑容同好好禮貌，而且性價比真係好高，食物質素好之餘，價錢亦都非常貼地，有機會會同朋友再嚟食。
睇落個餐牌都幾抵食，2至3人餐都只係需要200幾蚊。
於是我地就費事諗，所以就直接點呢個套餐。
炒雜菜
好豐富，有粟米仔，椰菜花，芥蘭，蘿蔔，木耳等等。炒得好香口，而且蔬菜亦都新鮮。
椰奶雞湯
呢個湯會用火熱住，保持溫度，湯要熱飲先至會更加好飲，呢個椰奶雞湯椰奶味濃郁，而且裡面材料亦都好豐富，有大量雞肉同菇。
泰式海南雞
海南雞口感嫩滑，皮嘅油脂非常香，皮下脂肪亦都較少，很好吃，用來送飯一流。
蟹肉炒飯
因為覺得食白飯比較普通，所以就加左錢轉左做蟹肉炒飯，估唔到蟹肉炒飯會有埋蟹籽同埋芒果，非常驚喜，芒果唔會酸，好新鮮，蟹肉亦都有鮮甜味，份量亦很多。
呢嗰二至三人餐份量非常豐富，所以都食到好飽。
另外套餐亦都會包埋飲品，我地分別叫左凍檸茶同埋熱零水，呢度比較特別就係糖漿放喺枱面度可以自行調教。
呢度職員非常有笑容同好好禮貌，而且性價比真係好高，食物質素好之餘，價錢亦都非常貼地，有機會會同朋友再嚟食。
Post
