阿Phit泰國菜 (Closed)

呢間位於香港大學附近嘅泰國菜，算係呢個區比較好食嘅一間，所以以前讀書嘅時候都經常嚟。以前比較常叫嘅會係青咖喱，黃咖喱，香葉炒飯，同埋泰式炒河等等。今日因為想食清淡少少嘅關係，(但係仍然好想食辣)，叫咗個冬陰公海鮮湯河($48)，唔使加錢可以轉金邊粉，可以包一杯凍飲。好可惜個冬陰公湯有少少失望，酸辣味都有可惜鮮味欠奉。可以見到辣椒草菇魷魚青口蝦等等嘅配料都好夠，可惜湯唔夠濃，稍為有少少失色。似乎呢度嘅咖喱同埋炒粉麵飯比較出色，至於冬陰公湯就未必會再叫啦。