宏 (Moved) New Location

最近係尖沙咀THE ONE搵到間有$99海藻烏冬Set😋個Set有好幾款選擇，有熱烏冬同冷烏冬等等。基於我鍾意食冷烏冬多啲，所以我多數都會揀【什菜天婦羅冷海藻烏冬】。-冷烏冬質感夠煙韌👍🏼，什菜天婦羅啲什菜雖然夠什，得蕃薯同紅蘿蔔絲😂，但勝在唔係好油，幾香口幾好食👍🏼！逢星期一至五去食仲會送兩件加洲卷，呢兩舊野就一般啦～-個set仲有個甜品(蛋卷)同斯里蘭卡紅茶，蛋卷我就揀左香草蛋卷，都幾大件，而且幾香蛋味，不錯。而杯茶嘅味道都特別，夠香夠濃。-個set係勁豐富，所以食完係好滿足，性價比好高。