Video
Read full review
2020-11-30
704 views
朋友約我去銅鑼灣食飯，但行極都未到😅，原來係近天后嗰邊。我心諗「Season Oyster & Wine Bar」位置唔喺大街，應該唔會好多人掛。點知一入餐廳發現係全場爆滿Full House👏。餐廳原來仲有二樓的，因為坐後面先知，下層有一邊係座位，另一邊係廚房。我覺得整體都算坐得舒服☺️。烤焗海鮮拼盤($298)，海鮮拼盤好豐富，有好多款海鮮，仲要每款都好鮮味😋，包括龍蝦、扇貝、翡翠螺同虎蝦。佢比起其他餐廳定價真係平好多，有啲餐廳得龍蝦都可能賣二百蚊啦。芝士焗原隻龍蝦，龍蝦品種係波士頓龍蝦🦞，有兩隻鉗。龍蝦唔細隻，就算佢本身咁過份包裝都幾好肉。餐廳仲提供鉸剪畀我哋將佢肢解。牛油蒜蓉焗虎蝦(兩隻)，🦐虎蝦不愧為虎蝦，大隻過一般海蝦。外表燒到好香脆，有濃濃蝦香，蝦肉亦唔乾身，唔錯。蒜蓉翡翠螺(四粒)，🐚翡翠螺好少食，原來都幾正㗎啵。螺肉大大粒，肉質唔韌，唔怕頂胃。巴馬臣芝士焗扇貝(兩隻)，扇貝就正正常常啦，又係用咗超多芝士焗🧀。芝士黑松露焗大磨菇，本身仲諗住嗌呢樣小食，好彩睇清楚餐牌介紹，原來拼盤包埋的！🍄大啡菇釀咗好多芝士，咬落好多汁。牛油蒜香蜆肉意粉($128)，驚齋食海鮮唔夠飽(其實
朋友約我去銅鑼灣食飯，但行極都未到😅，原來係近天后嗰邊。我心諗「Season Oyster & Wine Bar」位置唔喺大街，應該唔會好多人掛。點知一入餐廳發現係全場爆滿Full House👏。
餐廳原來仲有二樓的，因為坐後面先知，下層有一邊係座位，另一邊係廚房。我覺得整體都算坐得舒服☺️。
烤焗海鮮拼盤
$298
22 views
0 likes
0 comments
芝士焗原隻龍蝦，龍蝦品種係波士頓龍蝦🦞，有兩隻鉗。龍蝦唔細隻，就算佢本身咁過份包裝都幾好肉。餐廳仲提供鉸剪畀我哋將佢肢解。
牛油蒜蓉焗虎蝦(兩隻)，🦐虎蝦不愧為虎蝦，大隻過一般海蝦。外表燒到好香脆，有濃濃蝦香，蝦肉亦唔乾身，唔錯。
蒜蓉翡翠螺(四粒)，🐚翡翠螺好少食，原來都幾正㗎啵。螺肉大大粒，肉質唔韌，唔怕頂胃。
巴馬臣芝士焗扇貝(兩隻)，扇貝就正正常常啦，又係用咗超多芝士焗🧀。
芝士黑松露焗大磨菇，本身仲諗住嗌呢樣小食，好彩睇清楚餐牌介紹，原來拼盤包埋的！🍄大啡菇釀咗好多芝士，咬落好多汁。
牛油蒜香蜆肉意粉
$128
10 views
0 likes
0 comments
牛油蒜香蜆肉意粉($128)，驚齋食海鮮唔夠飽(其實飽)，所以叫咗碟意粉🍝。意粉份量都多，醬汁頗惹味的，牛油加白酒味唔會過膩🍾。意粉偏幼身亦煮得彈牙，蜆肉有成十隻，但偏細隻。
日本一口和牛粒
$80
6 views
0 likes
0 comments
手調啤酒
$58
3 views
0 likes
0 comments
總括嚟講，Season咁多人幫襯係有原因的，因為實在係性價比高👍，食物出品亦好高質素。我見喺度食生蠔好平，可惜我哋都唔好呢味。有機會我會再嚟幫襯，係食焗海鮮嘅好地方！
Post
