燒肉ONE

Open Now

Now Closed

今日嚟到位於銅鑼灣嘅燒肉店。餐廳中間有一人位，啱晒想食燒肉但搵唔到人陪嘅朋友。因為好多人坐係度，所以只可以影到則面～😝餐廳menu簡單，有套餐同散嗌，最平嘅套餐由$68起，仲要無加一，真係好掋食呀！面前放嘅醬汁多不勝數，好彩有介紹。澳洲M2西冷扒套餐（$188）沙律有粟米同新鮮嘅沙律菜可以揀飯或生菜，我就嗌咗生菜，無咁飽嘛～同包住肉食都好正！澳洲M2西冷扒好大份，完全睇唔岀得150G。啲肉好腍又無筋。跟餐仲可以半價嗌日本A4和牛三角肉，一定要叫呀，因為好重牛脂味👍👍👍仲加Haagen Diaz 雪糕咗☺️ 因為食完燒肉就梗係要食下甜嘢中和下喇。另外仲散嗌咗下列食物😳溫泉蛋（$8）可以直接食，但我就鐘點食一半，然後拎啲肉嚟點蛋汁。南美洲牛舌（$38）都幾爽口，同已經醃好咗。秋葵（$18）一客5條，燒咗咁多肉當然要燒返啲蔬菜balance 下喇。雞爽肉（$48）好嫩滑，因為薄身所以唔洗燒好耐就熟㗎喇！澳洲安格斯肉眼（$78）- 肥瘦分佈平均，比西冷肥小小，但肉質更腍。食咗咁多熱氣嘢，飲返杯玄米茶（$12）就舒服晒。仲有得自助拎日本還原水。