Brooklyn (Closed)

平時返工很難夾到同事食lunch，所以我通常都是帶飯或在canteen食，很難得今次終於約到幾個女同事可以一齊出外食午飯，反正可以搭的士，我們就去遠一點到新世紀食。＊＊＊＊＊＊＊＊＊＊＊＊＊＊Brooklyn同事之前已經食過，建議在這裡食我也沒有意見。餐廳地方都幾大，可容納過百食客。中午時段，店內只開了少量電燈，主要靠落地玻璃射入來的陽光，所以除了臨窗位置，整間店都比較暗。午市有套餐供應，價錢由$68至$118不等，包括沙律、餐湯、頭盤、主菜和餐茶，價錢以同類餐廳計算非常親民。湯可選紅白湯，我點了雜菜湯，酸味不算太突出，但味道還算可以。牛角包非常鬆軟，好味。巴馬火腿沙律沙律份量比想像中多，沙律菜和青瓜上還有一大塊巴馬火腿，火腿鹹度適中，整體味道不錯。迷你豬腩迷你豬腩有四份三都是肥膏，所以我切了僅餘四份一的肉食後，就沒有吃。見朋友的豬腩肉都是肥膏佔了一大半。檸檬鴛鴦見個名幾特別，就問侍應是甚麼來，原來即是檸檬茶加檸檬水，比一般檸檬茶茶味淡，卻多了一點酸味，味道不過不失。檸檬羅勒辛香意大利麵($68)意大利麵帶點微辣，口感比較硬，不過正好是個人喜歡的口感，但如果不愛硬口感的，建議煮耐一點。