To-Gather Cafe (Closed)

今日同女友去旺角波鞋街買波鞋，行到金雞廣場，見到19樓有間To-gather Cafe, 就上去試試😋。睇左餐牌，價錢大慨$100-150per person到，不算太貴。裝飾不算特別, 餐廳內sofa椅幾闊，適宜吹水，或者開小型派對，有兩部大電視。我地叫左兩個Set dinner, 蜜糖雞翼，兩杯特飲。我女友最愛就係飲湯，先來一碗粟米湯加鬆軟既小面包康，湯口感比較杰，味道很濃，有足料既感覺，十分開胃。第一度主菜來了，是青咖哩雞飯，汁有少少特別，帶點辣味，汁味都濃，配埋珍珠米，不錯。第二度菜，海鮮飯，珍珠米配青口加魷魚圈，很足料，青口鮮甜，魷魚圈不太eng. 跟住黎左兩杯特飲十分滿意，一杯係點只冰冰：咖啡朱古力冰沙配埋oreo 餅，消暑一流，奶味夠滑；第二杯係朱古力冰沙，同樣都係又甜又滑，味較得好好😌跟住黎小食，蜜糖雞翼，賣相很好，有8隻，每隻蜜糖味十足，下次可以再叫😋整體來說，性價比高，位置方便，值得推薦