惠 (Closed)

自從冇得去旅行之後，超鍾意日本嘅我，就只可以靠住食日本餐去懷念去日本🇯🇵嘅日子。所以我對選擇日本餐廳🍣係非常有要求。今次嚟到sushi kei真係令我心曠神怡😌。環境超有日本風之餘，食物質素仲係非常高💯，真係值得再encore。深海池魚嘅脂肪係比較結實，製成左刺身之後，就會比較口感順滑鮮甜，再另外配上酸汁，好味到停唔到口，一啖一片👄。針魚佢嘅肉質係比較好，所以師傅同我哋講可以有好多唔同嘅烹調方法，最可以食到佢最真實嘅味道，當然係要食刺身，配返少少薑豉油，就已經好出到嗰種鮮味🐠。煎帶子最怕就係煎得太乾，佢呢度嘅帶子底面兩邊微微煎香，所以佢中間個肉質係好嫩口😋。喜之次壽司佢稱為海中嘅紅寶石💎，因為佢嘅肉質係有少少帶紅色，好通透嘅魚肉，魚肉嘅質感好細嫩。