武士拉麵 (Closed)

成日都係食魚旦粉，今日中午想食拉麵，就去左公司多近既武士拉麵。反到既時候雖然已經2點幾，但入面都有唔少人食，餐廳唔算好大， 但座位與座位之間都夠空間，冷氣又好足夠。我地分別叫左午市餐牌既德川將軍拉麵同埋平時餐牌既豐臣將軍拉麵。 小食就有武士小丸子及唐揚炸雞。佢既拉麵湯底，麵條同埋麵質麵可以跟據自己個人超好去選擇，鐘意濃d淡d都得，唔怕唔啱食。拉麵好快就到，湯底好香濃，而且熱度都好夠，我自己平時出去食拉麵好怕佢個湯底唔夠熱， 佢既叉燒肥瘦適中，拉麵有彈牙感覺。小丸子入口香脆，入面軟林林，配上醬汁，好有風味。炸雞好香口， 入面仲好juicy,唔會炸都乾哂。店員服務態度好，餐廳環境乾淨整齊， 價錢唔貴，性格比高。