1988 (Closed)

呢間真係幾次上去都食唔到，今次book左枱終於食到，當然要叫多啲野黎試。叫左大蝦炒金邊粉、生菜肉碎包、燒豬頸肉、炒椰菜苗、雞串燒同芒果糯米飯。整體都唔錯，金邊粉好食夠惹味，大蝦又多。椰菜苗同生菜包就比較健康，個人覺得可以再濃味多少少(個人比個重口味)，串燒同豬頸肉燒得幾好，兩個汁都好正，特別中意豬頸肉個汁，辣辣地，芒果糯米飯係我既最愛，糯米飯好好好食，好飽都要堅持食哂。