MOS Burger (D2 Place ONE)

Open Now

Now Closed

好鐘意食Mos Burger! 雖然佢價錢比較貴少少，但我覺得食物質素是值的！今日嚟到D2 place 行街，順便食埋晚餐。 餐廳環境舒服，同冇乜人。我叫咗吉列蝦漢堡（配他他醬），吉列蝦漢堡好香口，唔會好油，啲蝦肉好爽口，配他他醬簡直是絕配呢！ 男朋友叫咗摩斯芝士漢堡，熱辣辣充滿牛香味，加上麵包亦焗得熱烘烘軟淋淋，入面塗滿醬汁及熱到微溶的芝士，很惹味！小食方便叫了大口切薯條、摩斯雞塊及北海道南瓜薯餅。係粗身薯條係我最愛。佢哋炸得香脆，每一條都好有口感，真係好好味。雞塊外層炸得金黃酥脆，肉質鮮嫩。而北海道南瓜薯餅亦係我嘅最愛，充滿洋蔥及南瓜嘅味道。每次食mos burger 必定會點抹茶鮮奶，喜歡充滿濃濃抹茶香味，口感幼滑。