Video
Read full review
2019-12-10
847 views
荔枝角食嚟食去都個幾間，咁啱行過呢度見到間日本餐廳好吸引，決定試下。未到下午1點已經要等位，建議早啲嚟食。等待期間望吓個Menu，每樣嘢都好似好好味，有啲難揀添。大概等左20分鐘終於有位。餐廳裝修比較簡潔，用具都係好有質感嘅日系風格，但由於店舖較細，座位同座位之間比較狹窄。最後三個女仔都揀咗角切牛油果三文魚丼😂 (感覺有牛油果健康啲)可能人多，我哋都等咗一段時間先有食物，食物一到，份量比我哋想像中多，除沙律，仲有味噌湯同茶碗蒸。即刻急不及待食咗個魚生飯先🤤 三文魚切成方型，每塊都幾大舊。睇到三文魚嘅紅白交替紋路已經覺得好味，食落有好濃嘅三文魚油脂香味，感覺啲魚生都新鮮沙律加左醋做調味，酸酸的好開胃。味噌湯正常水準。而茶碗蒸入面材料都豐富，蛋蒸得剛好，夠嫩滑。總結：個人覺得係荔枝角高質的午餐，見到隔離枱吉列海鮮都好吸引，下次可以再試！
未到下午1點已經要等位，建議早啲嚟食。
等待期間望吓個Menu，每樣嘢都好似好好味，有啲難揀添。
大概等左20分鐘終於有位。餐廳裝修比較簡潔，用具都係好有質感嘅日系風格，但由於店舖較細，座位同座位之間比較狹窄。
最後三個女仔都揀咗角切牛油果三文魚丼😂 (感覺有牛油果健康啲)
可能人多，我哋都等咗一段時間先有食物，食物一到，份量比我哋想像中多，除沙律，仲有味噌湯同茶碗蒸。
即刻急不及待食咗個魚生飯先🤤 三文魚切成方型，每塊都幾大舊。睇到三文魚嘅紅白交替紋路已經覺得好味，食落有好濃嘅三文魚油脂香味，感覺啲魚生都新鮮
沙律加左醋做調味，酸酸的好開胃。味噌湯正常水準。而茶碗蒸入面材料都豐富，蛋蒸得剛好，夠嫩滑。
總結：個人覺得係荔枝角高質的午餐，見到隔離枱吉列海鮮都好吸引，下次可以再試！
Post
