美中·鴨子 (Closed)

每次行海港城都會首選都會食呢間，6點幾攞位，成7點幾先入到去，真係多人到不得了，不過身在香港等，已經不知不覺成為習慣，更何況我真係好鐘意食片皮鴨。主角緊係鴨啦😆😆😆一有位店員已經問我地要唔要鴨，因為即燒既關係大概要等半小時，二話不說叫左半隻鴨，再慢慢簡其它菜，隻鴨水準保持到，一塊粉皮加小小甜醬加一片鴨，味蕾滿足到不得了。一個字。正。小籠包皮薄，入面仲包住D湯汁，足料。食落口唔輸比外面幾間出名的小籠包。好好食一直都好想試呢個水煮牛肉，賣相十分嚇人，似辣到不得了，原來食落唔算辣，只係比較多辣油左，如果可以小油會比較好，因為食落似比一淡油一淡肉😂😂😂下次可以試菜。價錢都合理，300有找又有鴨食又有野飲，仲可以坐出面睇海景，值得再去。