Video
Read full review
2021-12-07
513 views
呢日同男朋友去尖沙咀行街，打算晚餐食點心，所以就搭巴士去九龍城嘉豐，富豪東方酒店個站一落就係勁方便。星期五晚7點零去到就即刻有得入座，兩個人有4人位都幾舒適，一坐低就有姐姐問我地飲咩茶😊由於之前都食過，所以都大概知自己想食咩😂鮮蝦腐皮卷我自己本身對呢樣點心情有獨鍾，不過近年好少茶樓做得好食，因為佢地都會加好多我唔食既野入去。但係呢間我覺得ok, 雖然佢有啲綠色粒粒應該係西芹，但食落口唔係好覺，同埋啲蝦都彈牙同大隻，個皮又夠脆😋😋😋鮮蝦菜苗餃皮夠薄又未至於穿，入面有好多菜，但蝦都佔唔少，呢樣又係我必食既野，重點係佢冇其他我唔中意既配料係入面😍翡翠鮮蝦腸呢個腸粉就比較遜色少少，因為個皮有啲厚，入面啲蝦細隻，感覺上唔太新鮮，呢個我覺得可以唔洗試。不過佢有椒好就係豉油分開比，方便個客自己落幾多。鳳爪排骨飯平時去茶樓飲茶其中一樣必叫既就係鳳爪排骨飯，我中意食鳳爪同排骨放係啲飯上面一齊蒸，頂層既飯就會有啲汁，加埋少少豉油食簡直係一流👍🏼👍🏼👍🏼流沙奶皇包白雪雪既麵包，熱辣辣又夠鬆軟，一搣開個包入面啲奶皇就飛出泥😂 知道食呢啲一定要好小心，所以攤左一陣先食，入面凍左都唔智唔好食，一樣好香濃奶皇味。以
星期五晚7點零去到就即刻有得入座，兩個人有4人位都幾舒適，一坐低就有姐姐問我地飲咩茶😊由於之前都食過，所以都大概知自己想食咩😂
鮮蝦腐皮卷
我自己本身對呢樣點心情有獨鍾，不過近年好少茶樓做得好食，因為佢地都會加好多我唔食既野入去。但係呢間我覺得ok, 雖然佢有啲綠色粒粒應該係西芹，但食落口唔係好覺，同埋啲蝦都彈牙同大隻，個皮又夠脆😋😋😋
鮮蝦菜苗餃
皮夠薄又未至於穿，入面有好多菜，但蝦都佔唔少，呢樣又係我必食既野，重點係佢冇其他我唔中意既配料係入面😍
翡翠鮮蝦腸
呢個腸粉就比較遜色少少，因為個皮有啲厚，入面啲蝦細隻，感覺上唔太新鮮，呢個我覺得可以唔洗試。不過佢有椒好就係豉油分開比，方便個客自己落幾多。
鳳爪排骨飯
平時去茶樓飲茶其中一樣必叫既就係鳳爪排骨飯，我中意食鳳爪同排骨放係啲飯上面一齊蒸，頂層既飯就會有啲汁，加埋少少豉油食簡直係一流👍🏼👍🏼👍🏼
流沙奶皇包
白雪雪既麵包，熱辣辣又夠鬆軟，一搣開個包入面啲奶皇就飛出泥😂 知道食呢啲一定要好小心，所以攤左一陣先食，入面凍左都唔智唔好食，一樣好香濃奶皇味。
以下係單據同點心紙
Post
