Moreish & Malt (鴻圖道) (Closed)

以前要搵好嘢食，只會諗起尖沙咀或者旺角，但近來就新興左一個區域。觀塘工商業區成為唔少餐廳的新寵兒，我同朋友仔都走到嗰頭搵食。我地鍾意比較chill的環境，所以對於上樓的工廈興趣不大。到處走走，竟然在街角比我哋搵到寶！充滿美食風情的一間小店，食物選擇多，價錢又合理。店內裝修簡潔，但係整齊闊落。店員非常之熱情同有禮貌，仲特登介紹兒童餐俾我哋的小朋友。唔可以睇小個兒童餐，除咗營養均勻同埋買賣相討好外，其實都幾好食。偷食左小朋友一件西蘭花，確係唔錯。我哋一人揀咗款小食，我當然揀最愛的水牛城雞翼啦！雞翼火候掌握得唔錯，而且嗰醬汁好惹味，又唔會太辣。最驚喜莫過於呢款前菜，脆餅上面係鮮甜美味的蟹肉，再加上三文魚子同香草，好完美的配搭！必點的墨西哥美食。黎到食美國菜的餐廳，點能夠唔食牛扒呢？大大件牛扒上面有整齊的網紋，賣相唔錯。切開係標準的五成熟，肉呈粉紅色。牛肉味道都幾濃厚。我好鍾意呢個伴碟的芝士通粉，每一啖都係濃厚的芝士味，口感非常Rich。意粉主食都做得唔錯。咖啡拉花有誠意。整體食物都幾好，店員服務係意外的貼心，環境同氣氛亦唔錯。每位埋單二百多，算是超值！