Yuyu Sushi

Open Now

Now Closed

壽司定食五件配黑豚肉蕎麥麵 $ 105跟定食會有日式沙律，同麵豉湯。沙律菜好新鮮，爽脆清甜，加上芝麻醬酸酸甜甜，十分開胃😝而五件壽司分別有帆立貝，油甘魚，三文魚，白魚，魷魚。每件都好厚切而且好新鮮，帆立貝好大粒、三文魚又厚切。全部食落都好重油香味同鮮甜👍🏻豬豚肉蕎麥麵都幾大碗，而且有好足料多肉，湯底又鮮甜。抵食！🤤日本南瓜薯餅 $18採用日本南瓜整嘅薯餅。薯餅好大塊。而且外脆內軟，仲有好濃郁嘅南瓜味，值得推介😝而家餐廳做緊派對外賣精選優惠，有七折咁多！啱晒聖誕節同埋新年同一班朋友叫外賣！食物質素咁好，價錢仲好親民，真係好抵食！