Homeland (東昌街) (Closed)

【性價比高簡約西餐廳🍴】/////平日夜晚時段去到餐廳 上下層都坐滿晒人😳餐廳安排坐高枱櫈 有柔和燈光射落嚟 位置都算闊落😬無論前菜 主食定甜品味道都高質 我同朋友食完都話可以encore🤫.👉🏻香煎澳洲牛腹心扒 ($228)叫左7成熟 有少少難切但咬落去又幾軟腍～牛肉唔洗點汁都幾香濃 仲有薯蓉 翠玉瓜配菜薯蓉係好食有牛油香 不過太多令到賣相有啲出入.👉🏻煙三文魚凱撒沙律 ($58)味道正正常常 呢個價錢有幾塊三文魚抵食🤟🏻沙律菜爽口 粒粒紅桑子味道酸酸地 幾開胃.👉🏻海鮮自家製小球藻烏冬 ($128)自家製烏冬有驚喜！😽煙煙韌韌好特别(´▽｀)每條烏冬沾滿明太子同忌廉 唔會太膩👍🏻有青口、蝦、蜆肉等配料 質素一般 反而最中意個八爪魚 凍凍地又彈牙.👉🏻熱情果梳打多多 ($36)有好香甜嘅熱情果同益力多味👻中意飲益力多嘅朋友仔就會好中意呢類飲品.👉🏻士多啤梨莫希托 ($48)推介呢杯 第一啖已經充滿士多啤梨味🍓成日好怕會飲到藥水味 呢杯係完全冇🤤清涼易入口 冇加酒精小朋友同大人都飲得👉🏻Tiramisu ($48)賣相同味道都做得幾出色😎一層層平均得嚟有濃濃的咖啡同酒味有層雪糕再配蛋糕