Video
Read full review
2023-08-29
213 views
去親嗰頭都一定幫襯，不過通常都係自己帶杯去因為尋日飲完個杯洗咗無拎，咁啱今日又過去，所以終於叫咗杯有佢哋嘜頭嘅飲品🙊入面沖茶嘅妹妹全部都好好人，我要少甜少冰少珍珠，佢哋做到都會幫我做而且味道都好飲，大約三十蚊一杯真係值得幫襯仲有印花咭儲印仔，10個印仔一杯免費我飲過佢哋嘅咖啡、食過咖啡凍、飲過珍珠、水果茶、芝士奶蓋可能慣性叫少甜或者微甜，我覺得甜度都好合適水果茶叫微甜比較可以飲到多啲果香味咖啡系列都唔錯，不過附近有間飛龍，如果你對咖啡好有要求就去飛龍啦（但飛龍啲蛋糕一般，我喺舊店有出過食評）咖啡凍可以一試，當係甜品，佢哋仲出咗茶凍，不過我未試過珍珠系列啲珍珠真係勁多，好似唔使錢咁（我叫親都叫大杯），所以成日叫佢哋少珍珠，否則應該會濟到晚飯都食唔到😂珍珠彈牙嘅，唔算好甜，唔會好影響杯飲品嘅甜度balance今日呢杯士多啤梨奶蓋叫咗少甜，應該微甜會好飲啲另外芝士奶蓋唔算好出，下次可能都係飲返茶類（尋日飲完果茶所以今日想轉口味囉🙈）
因為尋日飲完個杯洗咗無拎，咁啱今日又過去，所以終於叫咗杯有佢哋嘜頭嘅飲品🙊
入面沖茶嘅妹妹全部都好好人，我要少甜少冰少珍珠，佢哋做到都會幫我做
而且味道都好飲，大約三十蚊一杯真係值得幫襯
仲有印花咭儲印仔，10個印仔一杯免費
我飲過佢哋嘅咖啡、食過咖啡凍、飲過珍珠、水果茶、芝士奶蓋
可能慣性叫少甜或者微甜，我覺得甜度都好合適
水果茶叫微甜比較可以飲到多啲果香味
咖啡系列都唔錯，不過附近有間飛龍，如果你對咖啡好有要求就去飛龍啦（但飛龍啲蛋糕一般，我喺舊店有出過食評）
咖啡凍可以一試，當係甜品，佢哋仲出咗茶凍，不過我未試過
珍珠系列啲珍珠真係勁多，好似唔使錢咁（我叫親都叫大杯），所以成日叫佢哋少珍珠，否則應該會濟到晚飯都食唔到😂
珍珠彈牙嘅，唔算好甜，唔會好影響杯飲品嘅甜度balance
今日呢杯士多啤梨奶蓋叫咗少甜，應該微甜會好飲啲
另外芝士奶蓋唔算好出，下次可能都係飲返茶類（尋日飲完果茶所以今日想轉口味囉🙈）
Post
