喜記避風塘炒辣蟹 (利園山道) (Closed)

今晚喺銅鑼灣食飯，約左個一樣咁鍾意食蟹既朋友仔去食大餐🥳食蟹最麻煩係份量，兩個人又唔食得多，喜記就特意有個二人套餐，有齊蟹、菜、海鮮同粉麵，份量適合得黎又好滿足🤟🏻醉鮑魚前菜來講好大隻😍 有酒味之餘亦有香濃既麻油味，十分爽口，第一碟餸就已經好有驚喜✌️上湯水浸蜆見已經咁多炒野，就揀左上湯煮。超多蜆，鮮甜得黎好有肉。招牌避風塘炒辣蟹個蟹鉗好大隻呀😍😍師傅有先扑碎蟹殻，所以食起上黎都好方便。肉質鮮嫩，唔錯👍🏻蒜蓉炒時菜菜好滑，亦夠稔，好惹味👍🏻炒河粉河粉好軟熟，調味剛剛好，好味😋