小明珠

Open Now

Now Closed

之前通常去啟田街市搵食，今次就過左黎對面一間小明珠食上海小籠包。周五晚上坐無虛席，勁多街坊幫襯。超過20幾款冷盤、小食供應。仲有多款湯麵、客飯餐。還有涼麵！兩個湯麵餐分別叫左杯冬瓜茶、另一杯凍豆漿。冬瓜茶有驚喜、清甜不膩。招牌小籠包 $38/4隻 小籠包湯汁飽滿，肉餡足料調味好夠。醉雞中翼 上海扁麵 $42店家特意將醉雞翼切開兩份，令雞翼更能滲入酒味。鹽酥雞扒擔擔麵 $48厚切雞扒共5塊。雞扒上面灑上七味粉再淋上泰式辣雞醬。雞扒炸完入面肉依然嫩滑。擔擔麵湯底超級濃稠，肉碎很多。麵質偏幼，掛汁力超強，每條麵條都掛滿擔擔麵湯汁。