Nathanhouse (Closed)

早排有朋友推介呢間位於山林道嘅餐廳，於是就趁weekend帶屋企人嚟試下lunch，我地坐窗邊位置，枱與枱之間位置闊落，坐得安心又舒適。呢度嘅lunch set價錢相當合理，每個餐都包沙律/餐湯、餐包同餐飲。水牛芝士番茄沙律我首先揀左要沙律，賣相精緻得令我有啲意外，新鮮嘅車厘茄脆口清甜，加上水牛芝士同火箭菜絕配。餐包幾款不同口味嘅餐包配上香草牛油，少至餐包都見到餐廳嘅誠意。香草脆包糠焗比目魚伴薯蓉泡沫比目魚嘅油香味重，口感嫩滑，加上面層焗成金黃色嘅麵包糠令賣相更吸引同食落更惹味，另外特別一提係個薯蓉泡沫，薯蓉就食得多，變成泡沫就真係未食過！口感似食緊cappuccino上面層奶泡咁，但薯仔味依舊好濃，感覺新奇特別！焗豬扒飯呢個焗豬扒飯都做得相當出色，醬汁唔會好似出面連鎖餐廳咁杰撻撻一pat，蕃茄汁酸酸甜甜咁又扣住啲炒飯粒，而且豬扒嘅份量都幾多，係真材實料嘅焗豬扒飯！蟹肉蝦餅迷你漢堡包呢個迷你漢堡賣相可愛，估唔到個炸蟹肉蝦餅十分鮮味，相當足料食落啖啖蟹味，係個意外驚喜。