Ha Noi 越南菜

Open Now

Now Closed

最近同朋友試咗呢間越南菜，原來係重慶大廈隔離有個商場叫慶方，平時行過唔係好覺，但係入面好多餐廳。$198嘅二人餐份量好大，仲包特飲，真係好抵。生牛肉湯河粉呢個湯河粉係呢餐嘅靈魂所在！牛肉片薄切，用湯燙熟之後保持鱃嫩。濃郁牛骨湯底唔會太咸，仲有比青檸同辣椒自己加，好食👍香茅豬排撈檬撈檬啲檬粉質地煙韌，配搭大大塊香茅豬排，豬排肉質多汁唔柴，撈埋甜酸嘅魚露汁，味道層次豐富，係清爽又飽肚嘅選擇。套餐仲包四隻香茅雞翼同菜。雞翼炸得金黃香脆，鎖到雞汁😋熱辣辣上枱，特飲揀咗椰汁紅豆冰同芒果椰汁西米露。甜度適中，非常清涼解渴，而且好足料，有啖啖紅豆同芒果