The Lounge

Open Now

Now Closed

之前同事結婚冇請我地飲，之後補番係呢間酒店的桃里請食飯，食物質素唔錯，有專人服侍，及後有另一位朋友介紹呢間食tea坐得舒服，樓底高，光感足，最重要係價錢平，378 tea set for 2, 部份credit card有8折。今日帶埋bb一齊去，係坐得幾舒服， 樓底高， 亦有用橢圓形鐵架奉上afternoon tea, 鹹甜點加埋有11款, 另包兩杯咖啡或茶。其實d野食唔係話好好，但夠平。 第一層係煙燻鴨胸卷， ham, 龍蝦番茄cocktail, 迷你火腿芝士三文治。 龍蝦番茄 cocktail幾特別，每個杯仔入面有一小塊已去殼蟹鉗。中間一層係甜品， 士多啤梨芝士蛋糕，抹茶蛋糕，開心果芭芙， 特濃朱古力星星棒(我囡最愛，因為造型靚)。最下層係鮮果tart同scone ,scone唔夠牛油，好散，冇咩味，同其他酒店的差好遠總體黎講呢個價錢，環境，地點ok,影相靚，性價比高，可以再黎。