漁粉 (Closed)

最近發現旺角百寶利開咗一間火鍋店，主打火鍋任食，價錢都合理，最重要係有得食酸菜魚/水煮魚，又或者鍾意食雞煲可以揀雞煲。入到去之後已經見到琳琅滿目嘅飲品超過10幾款，同埋阿波羅雪糕甜品！即刻心心眼！仲有超過20款配料，可以自助領取。乜都想食嘅我哋就揀咗A+B+C，落單嘅配料全部可以叫坐低之後我哋首先揀咗酸菜魚，裏面嗰啲係鱸魚，感覺都幾滑。同埋佢個酸辣香味好吸引，如果鍾意亦都可以再添加鱸魚（套餐B ）A 沙白、鴨紅、蘿蔔、萵筍B 鵝腸、竹笙、手打墨魚滑C 特級安格斯肥牛、羊肉片、帶子、墨魚叫得最高級餐（C）梗係叫多啲高質素安格斯肥牛，花紋適中，都幾好食！可以無限encore！羊肉片薄薄地，但係都幾大片，好香嘅酥味～ 仲有帶子好彈性，墨魚亦都夠新鮮。亦都包埋可以叫到其他套餐（A+B）嘅嘢鵝腸口感爽脆，仲有好吸湯嘅竹笙，手打墨魚滑亦非常彈牙！另外沙白裏面冇沙，鴨紅口感彈滑，仲可以係咁加啲吸湯嘅蘿蔔同埋萵筍～～最緊要就係過程中可以揀唔同嘅罐裝飲品，完咗之後我哋仲食埋啲阿波羅雪糕雪條，推介雪條！雪糕其實都唔錯，唔係周圍都食到㗎。