十三姨酸菜魚 (Mikiki) (Closed)

Open rice search 到mikiki 新店，見到個晚市餐牌$88 就有大碟酸菜魚，特登嚟朝聖試吓！計過數兩個晚餐再加多一碟餸都要$300，最後叫咗個228套餐，套餐主菜有酸菜魚，小菜可以在Menu上面揀一樣，今日揀咗口水雞，仲有小食兩碟可以選！加咗$6要烏龍茶！味道非常之正宗，而且唔會因為將價就貨偷工減料，附近有間出名燉湯川菜好出名！但個酸菜魚真係好難食！估唔到呢度咁出色！而且分量充足魚片新鮮而且夠厚身，我諗呢個餐兩個男人就啱啱好，我同老公食就一早投降了！真係太飽！重點係我地唔係食得太辣，口水雞雖然係雪雞，但味道唔辣好嘢味，另外逢一至五夜晚六點後入車場只要係食肆消費$100，就可以泊三個鐘頭！怪唔之得叉電嗰啲位排長龍