Video
Read full review
2021-09-05
82 views
今次已經係我第二次食呢間雞煲，同樣覺得性價比好高，每人都只係$178再加一，但已經有雞煲加任食火鍋配料，真係大滿足。🥰雞煲係即叫即製，有得自行選擇辣度，我哋就揀咗小辣，微微嘅辣啱晒想食辣但又唔太食得辣嘅人，好香好惹味！🤤雞肉肉質十分嫩滑，事前已經煮得好入味，一上枱，幾乎好快就食得！雞肉份量唔會話太多，兩個人食完都仲有啲胃口可以繼續試多啲火鍋配料。😚而火鍋配料就係透過QR code 自行落單，好方便，點完後，店員好快就送上枱！👍火鍋配料種類好多，有牛肉類、豬肉類、雞肉類、海鮮類、丸類、蔬菜類及麵食類等。😍食左咁多款，我地就比較推薦以下幾款：🌟雪花肥牛🌟特級肥牛牛肉類來講，比較推薦雪花肥牛及特級肥牛。當然呢度嘅牛肉質素未去到話最高質嘅牛肉味道，但已經對得住呢個任食火鍋既價錢，牛肉味都濃！😋🌟紐西蘭羊肉片羊肉片配上微辣嘅雞煲湯底一齊煮，食落味道唔會話太羶，羊肉味出！🤓🌟海中蝦海中蝦十分鮮甜彈牙，推薦！😍🌟蟹子墨魚滑墨魚滑十分有驚喜，打得十分滑身，墨魚味濃，夠曬彈牙，值得encore!🥳🌟芝士豆腐🌟豆腐脆脆魚蛋🌟醬爆豆卜而丸類就比較推薦以上三款，食落味道比較有層次。😉🌟台灣一口腸台灣腸本身都已
雞煲係即叫即製，有得自行選擇辣度，我哋就揀咗小辣，微微嘅辣啱晒想食辣但又唔太食得辣嘅人，好香好惹味！🤤雞肉肉質十分嫩滑，事前已經煮得好入味，一上枱，幾乎好快就食得！雞肉份量唔會話太多，兩個人食完都仲有啲胃口可以繼續試多啲火鍋配料。😚
而火鍋配料就係透過QR code 自行落單，好方便，點完後，店員好快就送上枱！👍火鍋配料種類好多，有牛肉類、豬肉類、雞肉類、海鮮類、丸類、蔬菜類及麵食類等。😍
食左咁多款，我地就比較推薦以下幾款：
🌟雪花肥牛
🌟特級肥牛
牛肉類來講，比較推薦雪花肥牛及特級肥牛。當然呢度嘅牛肉質素未去到話最高質嘅牛肉味道，但已經對得住呢個任食火鍋既價錢，牛肉味都濃！😋
🌟紐西蘭羊肉片
羊肉片配上微辣嘅雞煲湯底一齊煮，食落味道唔會話太羶，羊肉味出！🤓
🌟海中蝦
海中蝦十分鮮甜彈牙，推薦！😍
🌟蟹子墨魚滑
墨魚滑十分有驚喜，打得十分滑身，墨魚味濃，夠曬彈牙，值得encore!🥳
🌟芝士豆腐
🌟豆腐脆脆魚蛋
🌟醬爆豆卜
而丸類就比較推薦以上三款，食落味道比較有層次。😉
🌟台灣一口腸
台灣腸本身都已經醃得好好味，食多幾條都唔厭！🤩
🌟黃金芋圓球
有熟食揀，唔洗等就食得👍芋圓球幾高質，炸得外皮香脆，同時炸粉又少，而內裏嘅芋泥亦十分香甜綿密，中間仲包有小量鹹蛋黃添！好味！🤤
自助區可以任拎飲品之餘，仲有部乳酪雪糕機可以自己唧雪糕，最後仲可以加啲椰果等配料上去，試咗朱古力同乳酪味，兩款都唔錯！😋
整體來講，呢度嘅雞煲任食火鍋性價比真係好高，絕對值得再嚟食！😻
Post
