Catee (Closed)

朋友話終於做完一份論文，可以出嚟鬆一鬆，想搵間有情調嘅餐廳食飯，又唔想咁貴。又唔想走到出去旺角尖沙咀咁遠，之後朋友就介紹荃灣都有間唔錯嘅西餐廳🍴19:00去到，餐廳果然係幾有情調，而且晚餐價錢亦都唔算貴，仲有一啲廚師特色餐牌都好吸引主菜餐牌亦都可以加$30轉為套餐套餐包括左湯、沙律、主菜、甜品、飲品所以我覺得好抵，都轉Set了個湯比我想像中吸引，佢有濃郁嘅忌廉蕃茄湯味，而且亦配左香草同埋竹炭麵包，亦有油醋可供選擇，感覺很高檔。德國豬手伴蜜糖芥茉及酸菜豬手份量雖然唔算好多，但係兩個人Share就一定夠食，唔會炸得太乾，亦吾會過鹹，而且個外層又脆又煙韌，啱晒我胃口。仲有配埋酸菜就中和左豬手嘅油膩感。汁燒魷魚筒釀蘑菇海鮮意大利飯聽個名已經覺得好架勢，我每次見到魷魚我都忍唔住想叫，而今次亦都唔例外，魷魚真係好大條，上枱都不禁一聲，魷魚一啲都唔韌，口感爽口彈牙，而意大利飯都做得好出色。棉花糖朱古力呢個甜品夠晒邪惡，就算係減緊肥嘅我都忍唔住食咗兩塊麵包，佢用消化餅在配襯熱溶咗嘅棉花糖一齊食。