Video
Read full review
2023-07-23
22 views
Ufufu Cafe價錢💲: $75 (+5)/ $72 (+5)/ $18/ 好味程度😋: 4/5服務🍴: 3.7/5環境🗾: 3.7/5性價比🥢: 3.3/5回頭率😚: 3.3/5-係兆萬對面開左間新的台灣菜，原來老闆同樣係芋圓一個個，今次呢間做埋滷肉飯、拌面同滷味小食等。入到去已經見到好多bearbrick，靠窗的位置望落鬧市，幾有風味。最估唔到係餐廳竟然係petfriendly!!當日見到隻husky同臘腸🐶好可愛啊。食物定價幾合理，性價比高，見到用op book仲有折！😳-✅海苔銀魚椒麻拌面便當。呢款配料好少見，海苔的存在感好低，不過銀魚大大條，脆得來香口，而唔會腥😌拌麵入口味道麻而不辣，感覺係落花椒油咁😎 麵條唔會太軟，有彈性。個人鍾意麵多過飯！-✅安平蝦捲滷肉飯便當。滷肉飯汁的份量可以多小小，佢哋的滷肉偏肥，有幾舊都係肥肉，令到成個飯都幾油潤😜 不過味道幾台，半肥瘦的肉肉好軟熟。個人中意加埋酸菜一齊食，開胃d！入面仲有啲bb粟米、西蘭花🥦 安平蝦捲都幾好食，炸得脆脆，入面係彈牙的蝦肉+小小粟米，口感幾好👍🏻-✅✅椒麻鴨舌。一份都唔少。入味的鴨舌，加小小麻麻辣辣的味道，好上
價錢💲: $75 (+5)/ $72 (+5)/ $18/
好味程度😋: 4/5
服務🍴: 3.7/5
環境🗾: 3.7/5
性價比🥢: 3.3/5
回頭率😚: 3.3/5
-
係兆萬對面開左間新的台灣菜，原來老闆同樣係芋圓一個個，今次呢間做埋滷肉飯、拌面同滷味小食等。入到去已經見到好多bearbrick，靠窗的位置望落鬧市，幾有風味。最估唔到係餐廳竟然係petfriendly!!當日見到隻husky同臘腸🐶好可愛啊。食物定價幾合理，性價比高，見到用op book仲有折！😳
-
✅海苔銀魚椒麻拌面便當。呢款配料好少見，海苔的存在感好低，不過銀魚大大條，脆得來香口，而唔會腥😌拌麵入口味道麻而不辣，感覺係落花椒油咁😎 麵條唔會太軟，有彈性。個人鍾意麵多過飯！
-
✅安平蝦捲滷肉飯便當。滷肉飯汁的份量可以多小小，佢哋的滷肉偏肥，有幾舊都係肥肉，令到成個飯都幾油潤😜 不過味道幾台，半肥瘦的肉肉好軟熟。個人中意加埋酸菜一齊食，開胃d！入面仲有啲bb粟米、西蘭花🥦 安平蝦捲都幾好食，炸得脆脆，入面係彈牙的蝦肉+小小粟米，口感幾好👍🏻
-
✅✅椒麻鴨舌。一份都唔少。入味的鴨舌，加小小麻麻辣辣的味道，好上癮，好想一條一條不斷’損’🤣
-
✅✅滷金錢肚蘿蔔豬耳。蘿蔔已經滷到好深色，入曬味，好淋，鹹味唔會蓋過蘿蔔的清甜😆 豬耳切成細絲，爽爽地又有嚼頭。金淺肚大大舊但唔難咬，已經淋晒，咬開食到滷水汁🤩呢到的滷水整體都唔係好鹹，不過無平時食的花椒八角味。
-
✅滷水蓮。好少地方有的水蓮！非常爽脆口感好好☺️ 上面有小小肉燥，但味道偏鹹。
-
✅✅茉莉毛尖(+愛玉)。呢個茶底好清，無苦澀味，但有突出的茉莉清香。愛玉偏塊狀，無平時的滑溜，似啫喱咁，小小甜味，配無糖茶啱啱好😗
-
性價比好高，味道中上，都算係約朋友的糧尾恩物😝 出奇地更鍾意小食！如果係旺角想食台灣嘢、呢間可以encore。
Post
