雅苑座

聽朋友講話好食，於是第一次嚟帝苑酒店食Dinner buffet。 酒店環境好靚，有個大噴泉，係打卡嘅好地方，第二層燈光暗暗地營造出浪漫的氛圍，適合情侶慶祝節日。 食物種類繁多。食物都好新鮮，尤其係龍蝦，食左一隻之後又忍唔住拿多幾隻食。 每人有一份鮑魚花膠，足料。甜品更加唔洗講，帝苑蝴蝶酥出咗名好食。拿咗個 pancake & waffle，配上任食Häagen-Dazs雪糕更加好食。8點幾左右，出現一個大型拿破崙蛋糕，甜度適中，而且好脆，唔怪得個個都排隊去拎。 有一位鋼琴師現場彈唱，令人覺得relax和浪漫。有張點歌紙，填完交俾待應就可以點歌。雖然鋼琴師係外國人，但估唔到唱左幾首粵語歌都幾好聽。 員工服務態度良好，收碟速度快。一坐低就有侍應幫我笠櫈套，防止手袋被食物整 污糟。見到我手上拿住好多嘢主動幫我拎。 值得一試，下次有機會會再食。