町燒

Open Now

Now Closed

估唔到$48食到一份午市定食，仲包埋一包紙包飲品，無加一收費，抵食！而晚市通常都貴啲，但竟然佢又唔太貴喎，大約$50左右啦，同樣包一包紙包飲品。味道方面，試過好幾款定食，基本上大部份都好味，特別推薦灼燒牛肉定食。而佢某啲定食有包含炸物，啲炸物同樣好食，好脆唔油。至於燒物方面，以為平平無奇嘅燒栗米，點知比想像中好食，係唯一燒牛肋，呢個就真係有少少靭。環境亦好乾淨企理，店員服務態度友善，所以整體黎講真係幾好，會係食完下次想再幫襯。