Video
Read full review
2021-10-30
58 views
約埋好朋友飯聚～首選餐廳係最愛環境優美+少女風既Dazzling餐廳談下心再加上有萬聖節二人套餐幾得意咁，即刻試下先二人餐份量非常豐富，其實我覺得三位女仕食都綽綽有餘套餐包括有2款前菜🔸雞腿凱撒沙律平時雞沙律通常雞嘅份量都好少，但呢度都有一大塊烤雞腿肉，烤得好香口，而且唔會烤到好乾，仲有啲肉汁加上芝士粉同埋菜，平衡返肉類既油膩感🔹墨西哥風起司薄餅有8塊芝士薄餅，配以兩款醬汁，一款是帶點辣的番茄汁，另一款是吞拿魚沙律醬熱辣辣食芝士溶溶地好好味主菜任選2款意大利麵🔸黃金烏魚子蒜香意大利麵身為醬汁控既我以為呢一款無汁既意粉唔吸引，一試之下原來味道好特別，意粉表面沾滿一點黃色既粉，原來就係烏魚子，佢嘅味道鹹鹹地有啲似蝦醬嘅味道幾惹味仲有每次都必點嘅🔹明太子意粉當然啱晒我醬汁控啦我最like佢醬汁係帶小小甜味既，紫菜絲+細細粒既明太子，一啖意粉食入口，醬汁同明太子都沾滿整條意粉真係令人回味無窮食晒以上嘅嘢其實都已經飽咗七成，但係最尾嘅甜品先至係主菜🔸猛鬼墓園—👻金沙榛果巧克力蜜糖吐司一上堂已經覺得好靚其實好適合帶小朋友嚟食呢一款甜品，佢地一定會係勁開心因為上面有好多Halloween嘅裝飾，同埋
再加上有萬聖節二人套餐幾得意咁，即刻試下先
二人餐份量非常豐富，其實我覺得三位女仕食都綽綽有餘
套餐包括有2款前菜
🔸雞腿凱撒沙律
平時雞沙律通常雞嘅份量都好少，但呢度都有一大塊烤雞腿肉，烤得好香口，而且唔會烤到好乾，仲有啲肉汁加上芝士粉同埋菜，平衡返肉類既油膩感
🔹墨西哥風起司薄餅
有8塊芝士薄餅，配以兩款醬汁，一款是帶點辣的番茄汁，另一款是吞拿魚沙律醬
熱辣辣食芝士溶溶地好好味
主菜任選2款意大利麵
🔸黃金烏魚子蒜香意大利麵
身為醬汁控既我以為呢一款無汁既意粉唔吸引，一試之下原來味道好特別，意粉表面沾滿一點黃色既粉，原來就係烏魚子，佢嘅味道鹹鹹地有啲似蝦醬嘅味道幾惹味
仲有每次都必點嘅🔹明太子意粉
當然啱晒我醬汁控啦我最like佢醬汁係帶小小甜味既，紫菜絲+細細粒既明太子，一啖意粉食入口，醬汁同明太子都沾滿整條意粉真係令人回味無窮
食晒以上嘅嘢其實都已經飽咗七成，但係最尾嘅甜品先至係主菜
🔸猛鬼墓園—👻金沙榛果巧克力蜜糖吐司
一上堂已經覺得好靚其實好適合帶小朋友嚟食呢一款甜品，佢地一定會係勁開心
因為上面有好多Halloween嘅裝飾，同埋有個朱古力雪糕球，仲有好多朱古力Mousses 蓋住下面嘅係蜜糖麵包，麵包粒經烤焗後脆卜卜，再沾上凍凍地嘅雪糕食，真係好滋味
而特色飲品係兩杯好吸睛而充滿萬聖節氣氛嘅飲品
🔸莓怪
🔹祿怪
2杯飲品一樣咁有萬聖節氣氛🎃我覺得係Q版嘅鬼鬼感覺，因為有啲好可愛嘅朱古力眼珠放喺飲品頂既 cream上面👀
莓怪整杯都係紅色，一睇就估到係酸酸地既莓味，外型上莓怪係好怪鬼，仲有個藍色咀唇好可愛而祿怪就係美祿朱古力味
我鐘意朱古力味果杯，因為入面有啲脆脆粒，一路飲一路食好過癮，不過飲到最後有啲甜，又或者食晒咁多好味野之後已經飽晒飲唔落喇
建議可以帶小朋友去食都好開心呀
萬聖節二人套餐：$388（2位用）
Post
