Video
Read full review
2018-11-18
73 views
返完中大同同學影畢業相之後，同朋友去到我地熟悉嘅大埔區覓食，經過發現呢間開飯主義主打芝士焗飯同埋麵包好似幾吸引，肚餓到毫無抵抗力嘅我地就決定入去食啦!!由於餐牌眼花繚亂，好多嘢我哋都想試，我地揀食咩都揀左好耐😂😂首先跟餐黎左個牛角包同埋羅宋湯，牛角包啱啱焗起，好酥脆，牛油味濃👍 羅宋湯個人認為鹹左少少然後叫左一個胡麻番茄沙律，番茄好足料，作為開胃菜一流👍👍跟餐小食我地叫左霜降骰仔牛同埋蜜糖汁炸雞翼，骰仔牛夠軟腍入味，炸蒜可以視乎個人口味加減👍雞翼唔會炸得過乾，外皮夠脆，入面肉質鮮嫩多肉汁然後再叫左兩隻芝士焗港島蠔，蠔殼誇張到成隻手板咁大，蠔肉size 大概得食指長度，加埋芝士一齊食都仍然食到新鮮蠔味👍👍之後就到主角- 咖喱拉絲芝士牛肋條配麵包啦!! 麵包 size 好大，成舊都茶咗蒜蓉牛肉烘過，口感脆身得黎煙靭，撕一舊落黎擺上芝士，牛肋條同埋咖哩醬一啖擺晒落口果種滿足感簡直言語不能形容🤤🤤本身食得耐以為會膩，但可能佢用嘅芝士唔係好鹹嘅芝士，順口得黎好夾咖哩醬，唔覺唔覺就清晒成份另一味主菜係龍蝦汁軟殼蟹海鮮焗飯，原隻軟殼蟹加埋青口，魷魚仔，蟹柳配埋濃濃嘅龍蝦汁，又係唔晒五分鐘已經比我地
由於餐牌眼花繚亂，好多嘢我哋都想試，我地揀食咩都揀左好耐😂😂
首先跟餐黎左個牛角包同埋羅宋湯，牛角包啱啱焗起，好酥脆，牛油味濃👍 羅宋湯個人認為鹹左少少
然後叫左一個胡麻番茄沙律，番茄好足料，作為開胃菜一流👍👍
跟餐小食我地叫左霜降骰仔牛同埋蜜糖汁炸雞翼，骰仔牛夠軟腍入味，炸蒜可以視乎個人口味加減👍
雞翼唔會炸得過乾，外皮夠脆，入面肉質鮮嫩多肉汁
然後再叫左兩隻芝士焗港島蠔，蠔殼誇張到成隻手板咁大，蠔肉size 大概得食指長度，加埋芝士一齊食都仍然食到新鮮蠔味👍👍
之後就到主角- 咖喱拉絲芝士牛肋條配麵包啦!!
麵包 size 好大，成舊都茶咗蒜蓉牛肉烘過，口感脆身得黎煙靭，撕一舊落黎擺上芝士，牛肋條同埋咖哩醬一啖擺晒落口果種滿足感簡直言語不能形容🤤🤤
本身食得耐以為會膩，但可能佢用嘅芝士唔係好鹹嘅芝士，順口得黎好夾咖哩醬，唔覺唔覺就清晒成份
另一味主菜係龍蝦汁軟殼蟹海鮮焗飯，原隻軟殼蟹加埋青口，魷魚仔，蟹柳配埋濃濃嘅龍蝦汁，又係唔晒五分鐘已經比我地分食一空😋
飲品叫左兩杯，分別係荔枝梳打同埋青蘋果沙冰多多。荔枝梳打用左燈泡造型杯，放係一個識幻變燈光嘅座上面成件事玩味好濃好特別，梳打本身都唔會死甜👍👍
青蘋果梳打亦都好足料大杯，本身以為會有化學味但出到黎好清新👍👍
總括黎講，呢間餐廳菜式豐富得黎全部擺盤好吸引，價錢相宜，我地兩個人食左咁多野每人都唔洗200蚊，絕對會再黎試佢嘅其他菜式!😋
Post
