名代宇奈備長炭燒鰻魚飯專門店 (東港城) (Closed)

之前去大阪嘅時候食過一次呢一間鰻魚飯店，嗰時仲好記得啲鰻魚喺入口即溶，真係超級好食😋所以呢一間鰻魚店喺香港開咗之後，我都即刻去咗試，雖然個味道唔夠係日本嘅時候咁好食，但係喺香港可以食到嘅鰻魚飯裏面已經算係首屈一指👍🏻我自己就已經黎食過兩次，第一次嗌左特上，點知因為份量太多，所以食唔晒，結果第二次就只係叫咗上，個份量就啱啱好啦！所以建議女仔嘅話其實唔使嗌份量咁大既特上。🎈鰻魚重 特上🎈鰻魚重 上兩款其實只係喺分量上面有分別，兩個嘅鰻魚都係差唔多味道，佢嘅鰻魚係即刻燒嘅，啱啱上枱嘅時候好香，佢嘅魚肉比較霖，好容易咬，加埋本身嘅鰻魚汁，用嚟送飯真係一流😆🎈薯仔芝士年糕呢個薯仔芝士年糕外脆內軟，裏面嘅芝士非常多，食落甜甜地，真係幾好食😋總括來講，喺香港嘅鰻魚飯店裏面，呢一間都真係我心目中嘅首選，性價比相當高。