上野鐵板燒專門店 (Closed)

年廿九同女朋友睇完戲搵野食，女人街有一半的店都關門了，想食日本野就走入去呢間。好耐都無食鐵板燒，由於第一次到訪，就揀個最經濟的套餐試試。皆因二人套餐由88蚊到千幾都有，想食過有信心下次先試第二啲。大家食同一個套餐，上餐就有薄牛肉、帶子、炒飯、味噌湯、沙律、三文魚同甜品，超豐富。薄牛肉煎到香口，用料屬中上。帶子夠大隻，又鮮甜。其實一飲碗味噌湯就知呢間可以再黎，入面有隻大蜆，十分足料，三文魚刺身有2大片，口感軟稔，入口融化，沒有將價就貨。炒飯是係你面前即炒，熱騰騰的，香口唔油膩。份量我夠飽，女朋友就食剩1/4左右。隔離枱叫左仲郁緊嘅活鮑魚，睇落似是熟客仔，同廚師有傾有講。個menu仲有好多海鮮揀，野食選擇都多，下次想食豪啲啲可以考慮翻啅廁所就衛生麻麻，希望可以留意。