Video
Read full review
2023-06-26
2072 views
-午餐:平日$98 75分鐘，假期/前夕/初一十五 $118 90分鐘下午茶: 平日$78 75分鐘，假期/前夕/初一十五 $98 75分鐘晚飯 平日$148 90分鐘，假期/前夕/初一十五 $178 90分鐘又係🐷好鍾意嘅簡約木系餐廳，牆身仲有乾花，營造出大自然嘅感覺🌿同以前舊式齋舖嘅裝修截然不同。店員態度非常好，會主動收集食客意見。好多素食自助餐都有仿肉，呢間難得冇。菜式繁多，等🐷重點介紹啦！🍌拔絲香蕉必須首先介紹，因為太太太好食😍螞蟻人唔可以錯過。一個用糖絲製成嘅金色塔，下面放住少少炸物，唔需要懷疑，果啲炸物真係香蕉😂剛出爐香蕉輕輕炸過，配搭糖絲又香又甜又脆😋見到要把握機會拎，因為一出場就好快俾人搶哂，店員仲講過製作時間比較耐，所以出得慢啲。🍤炸物全部都香脆，🐷唔太食炸野都要俾個like👍🏻🥠錦滷雲吞雲吞皮超脆口，餡料係磨菇🍄，份量略少。💜金絲香芋卷 好香芋頭味，外皮炸過所以整體口感豐富，略為飽肚。🥛炸鮮奶新產品，外脆內軟，香濃鮮奶味又唔會太甜😍🥔黑椒薯仔超香濃黑椒味，薯仔口感鬆軟，略為飽肚。💜紫薯球淡淡紫薯蓉香味，混雜粟米、馬蹄，口感豐富，唔太甜但飽肚。🥒青瓜苗比較少地方有得食
午餐:平日$98 75分鐘，假期/前夕/初一十五 $118 90分鐘
下午茶: 平日$78 75分鐘，假期/前夕/初一十五 $98 75分鐘
晚飯 平日$148 90分鐘，假期/前夕/初一十五 $178 90分鐘
又係🐷好鍾意嘅簡約木系餐廳，牆身仲有乾花，營造出大自然嘅感覺🌿同以前舊式齋舖嘅裝修截然不同。
店員態度非常好，會主動收集食客意見。
好多素食自助餐都有仿肉，呢間難得冇。菜式繁多，等🐷重點介紹啦！
🍌拔絲香蕉
必須首先介紹，因為太太太好食😍螞蟻人唔可以錯過。一個用糖絲製成嘅金色塔，下面放住少少炸物，唔需要懷疑，果啲炸物真係香蕉😂剛出爐香蕉輕輕炸過，配搭糖絲又香又甜又脆😋見到要把握機會拎，因為一出場就好快俾人搶哂，店員仲講過製作時間比較耐，所以出得慢啲。
🍤炸物全部都香脆，🐷唔太食炸野都要俾個like👍🏻
🥠錦滷雲吞
雲吞皮超脆口，餡料係磨菇🍄，份量略少。
💜金絲香芋卷
好香芋頭味，外皮炸過所以整體口感豐富，略為飽肚。
🥛炸鮮奶
新產品，外脆內軟，香濃鮮奶味又唔會太甜😍
🥔黑椒薯仔
超香濃黑椒味，薯仔口感鬆軟，略為飽肚。
💜紫薯球
淡淡紫薯蓉香味，混雜粟米、馬蹄，口感豐富，唔太甜但飽肚。
🥒青瓜苗
比較少地方有得食，冷盤，口感清爽，有少少麻油味，食多多都唔會厭🥰
🥦素蟹柳西蘭花
西蘭花上掛住濃厚嘅蟹柳汁，清新鮮味👍🏻
🥚日式流心蛋
用日式醬油製成，唔會太濃味太咸，加埋流心蛋黃，好食👍🏻
🍔全素迷你漢堡
餡料有藕餅、蕃茄、青瓜，🐷覺得夾埋一齊味道有啲怪怪地，唔太推薦🥲
🥣蘿蔔味菜胡椒湯
雖然冇我地成日食嘅豬肚，不過都好好味，胡椒味濃，蘿蔔冇筋👍🏻
🥣碗仔翅
超多素翅同菇🍄，口感濃稠。🐷好鍾意食碗仔翅同胡椒湯嘅時候加超多紫菜，好好味😋
🧁甜食有水果、沙律吧、紅棗糕、薑汁糕、芝麻糕、雪糕等等。
🫚紅棗糕＆薑汁糕
分別有濃郁嘅紅棗味同薑汁味，仲唔會太甜，用竹籠一直保溫，暖笠笠口感仲非常煙韌彈牙，推薦👍🏻
🍦雪糕
每次黎嘅口味都有啲唔同，當日有玄米茶、芒果、香芋、抹茶、海鹽味選擇。
最後揀左海鹽味，好靚嘅淺藍色🩵，海鹽味同奶味好好味😋
🍬飲品有桂圓水果茶、龍眼冬瓜茶、羅漢果茶普洱茶，養生又好味。仲有即磨全素咖啡☕️，仲可以加燕麥奶或椰子奶🥛
🫰🏻店員介紹9點前晚餐時段可以$68外賣，9點後堂食+$20就可以外賣，外賣可用主食同飲品器皿各一。店內有紙盒或微波爐膠盒提供，食客亦可自備飯盒外賣。
店員解釋公司係為環保出一分力，減少浪費食物，🐷非常欣賞餐廳呢個理念🤩環保之餘食客亦可以用較優惠嘅價錢食到好多款有營養又好味嘅食物😋
🫰🏻食完野之後大家記得自律清理枱面同埋收餐具呀～
Post
