激安燒肉工房 X 大眾燒肉酒場 (Closed)

唔知大家覺唔覺係香港想搵一間性價比高嘅烤肉店其實好難，今次同朋友去咗筲箕灣到試下呢間朋友推介嘅激安燒肉工房😋 五目九宮格燒肉盛合🐮🍖呢個基本上係必食嘅，因為可以一次過試曬9款唔同嘅肉，而且成件事勁igable，包括有厚切牛舌腩、宮崎A4和牛上蓋、Prime牛小排、 鹿兒島A4和牛腩、M9和牛內裙肉、壼漬牛肋條、汁燒護心肉、豬腩片肉片同柚子漬雞肉，肉嘅質素真係唔差，舊舊都好juicy，肉汁豐富令人興奮😍 飲番杯生啤就更加happy~加單叫多碟和牛腩同小牛排，同樣高質🤗 雞泡魚干🐡本身已經係小熟咗嘅，不過加返熱食就更加好味，食落唔會好硬好乾，而且甜甜地，加埋沙律醬就更加夾☺ 宮崎西冷🥩呢塊西冷真係不得了，食完基本上唔想食其他肉，油脂分佈平均，食落口感真係唔同嘅，肉質嫩滑，入口即溶，牛味香濃，食完之後成晚都回味住呢個味道🤪 激安燒肉工房評分：9/10