Riso SEGRETO (Closed)

泊好部車，原本打算去 Mikiki 食西班牙菜，不過太貴，結果落咗 Riso Segreto 開餐.望望個餐牌，樓上賣緊一百五十幾蚊嘅意大利粉，Riso Segreto 平一半，有咩辦法唔幫襯呢？又睇睇價錢平一半的話，食物質素又點先？點咗個 set，有南瓜湯，田園蟹籽沙律，卡邦尼海鮮意式燴飯，夏威夷薄餅，甜品有意大利芝士蛋糕，另外加一個小食併盤。南瓜湯唔夠濃郁，只可以話合格，田園沙律雖然沙律醬同蟹籽份量都略為不足，但D菜切得好幼細，令口感更好。小食併盤香腸略嫌硬身，洋蔥圈外脆內軟一流。卡邦尼海鮮意式燴飯望上去份量以為不足，又係視覺錯誤，食落份量不少，芡汁足夠飯夠黏，唔錯！成個 set 最欣賞係薄餅，餅底好脆，芝士份量亦足夠，薄餅 size 份量啱啱好，食得飽又唔會多出太多。第二欣賞係哩個甜品意大利芝士蛋糕，我一向好怕聞濃烈芝士味，乳酪味同牛奶味，自己亦唔飲牛奶，但眼前嘅芝士蛋糕，聞上去芝士味唔強，食落口有酒味，酒味將我唔中意嘅芝士味蓋咗，所以哩個甜品，好啱自己口味！二百幾蚊一個 set, 絕對性價比高！又平抵食又好味！只係冷氣不足，Mikiki 做吓野啦唔該，管理費租金就識收！最后要講